Прв смртен случај од корона во Македонија, жртва е жена од Куманово

Прва жртва на Ковид 19 во Македонија. Министерот за здравство Венко Филипче на попладневната прес конференција информираше дека кај жена од Куманово, посмртно бил потврден вирусот.

Жената на возраст од 57 години, била хоспитализирана во кумановската болница, и првите два земени бриса биле негативни на корона, иако ги имала симптомите. На жената пред да почине, нагло и се влошувала состојбата.

„По два негативни бриса, добиен е позитивен брис дури по смртта“, соопшти Филипче.

Нејзиниот син, на возраст од 33 години, исто така е заболен од коронавирус.

Пациентката која е на респираторна машина е во непроменета критична состојба.