Гостивар
Таравари: Блокирана жиро сметката на општината, ова е скандал!
Општина Гостивар од утрово е со блокирана жиро сметка. Градоначалникот Арбен Таравари изјави дека сметката била блокирана од извршител, за неисплатен додаток на плати на вработени во Противпожарната единица од 2015 до 2017, период кога тој не бил на чело на општината. Се работи за вкупна сума од 100 илјади евра.
Блокирањето на жиро сметката во услови на вонредна состојба, Таравари го нарече скандалозен потег.
„Ова е скандал. Во вонредна состојба да се блокира жиро сметка. И покрај тоа што со лицата на кои општината им должеше дел од плати, јас се сретнав во мојата канцеларија и се договоривме да им бидат исплатени на рати, тие потоа по партиска директива се решиле на ваков чекор, да одат преку извршител. И сега општина Гостивар во вонредна состојба треба да функционира со блокирана сметка. Како и да е, сакам да им порачам на граѓаните дека ќе издржиме и ќе продолжиме да работиме“, рече градоначалникот.
Откако беше прогласена вонредна состојба за да се спречи ширењето на коронавирус, Владата донесе уредба со законска сила за запирање на примената на Законот за извршување, до 30 јуни 2020 година.
Според владината уредба извршителите се должни да запрат со преземање на било какви извршни дејствија освен во случаи :„кај побарувања врз основа на законска издршка, со распределба на средствата пристигнати на нивните посебни сметки, доколку за тоа се исполнети законските услови, со дејствијата кои следат по наплатата на средства од должникот, успешно спроведени јавни надавања, или продажби со непосредна спогодба“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот