ДНЕТ со реакција против одлуката Северна Македонија да учествува во санкциите на ЕУ против Турција

Од партијата Движење за Национално Единство на Турците врз основ на соопштението на шефот на дипломатијата на ЕУ Жозел Борел издадено во Брисел на 31.03.2020 година каде се изнесува дека “Северна Македонија, Црна Гора, Албанија, Исланд и Ерменија се приклучуваат на санкциите на ЕУ против Турција за нејзините сондажни операции во потрага по природен гас во слободните економски зони (ЕЕЗ) на Република Кипар”, реагираат преку следното соопштение.

„ Движењето за Национално Единство на Турците како критична маса и совест на Турците на Македонија изразуваме огромно незадоволство и најенергичен протест против оваа одлука на Владата. Очигледно и јасно ни е дека оваа влада настојува да фрла сенка на извонредно добрите пријателски односи со Р. Турција. Докажан и потврден пријател на Македонија се соочува со санкции и непримерно однесување.

Турција врши сондажи на горе споменатиот дел врз основа на барањето и издадените лиценци на Турската Република Северен Кипар, на своја територија т.е водите кои припаѓаат на Турската Република Северен Кипар. Од тука бараме Владата да се огради од овие санкции од причини што овој потег претставува мешање во внатрешните работи на други земји и суверено права за користење на природните ресурси на сопствена територија.

Исто така неразбирливо е една земја која штотуку стана членка на НАТО на овој начин се приклучува на санкции против свој сојузник. ДНЕТ да го осудува и односот т.е. молчењето да двајцата министри Турци во Владата на Македонија. ДНЕТ будно ги следи и ќе ги следи сите потези на Владата во оваа насоко и ќе ги повика Турците на будност поради евентуалните последици од перманентните обиде на внесување на сенка на односите помеѓу Македонија и Турција“, се вели во соопштението.