Определен е тајминг за изнесување на кучињата за време на засилениот полициски час

Од утре (8 април) започнува да важи засилен полициски час на територијата на целата држава. Во работни денови трае од 16 до 5 часот, додека сабота и недела целосно е забрането движење.

Властите одлучија, за време на полицискиот час, да дозволат сите граѓани кои живеат во станбени објекти за колективно домување и што имаат куче, од понеделник до петок да може да ги изнесуваат надвор од своите домови, во вечерните часови во времетраење од 30 минути, почнувајќи од 20 часот до 20.30 часот.

Во деновите сабота и недела, дозволено е изнесување на милениците наутро од 8 часот до 8.30 часот, попладне од 15 часот до 15.30 часот и во вечерните часови од 20 часот до 20.30 часот.