Вести
Старт на второ полугодие – учениците од ОУ „Мустафа Ќемал Ататурк“ во нов реновиран објект
Започна второто полугодие од учебната 2016/17 година. Учениците од утрово, после продолжениот зимски распуст се вратија на настава.
Според информациите од општинскиот сектор за образование, второто полугодие во сите училишта на подрачјето на Гостивар започна без поголеми проблеми. Училниците се затоплени и има услови за непречено одвивање на часовите. Одредени дефекти во системот се појавиле во средното техничко училиште, поради што првата смена не одржала настава. Екипи работат на санирање и се очекува во скоро време нормализирање на состојбата. Второто полугодие учениците од основното училиште „Мустафа Ќемал Ататурк“ го започнуваат во целосно обновен училишен објект. Во текот на зимскиот распуст заврши реконструкцијата на зградата и сите други зафати, кои се реализираа со проект поддржан од Турската агенција ТИКА, во вредност од милион евра. Наставата започнува да се изведува, а во наредниот период се очекува и свечена промоција на проектот.
Зимскиот распуст беше продолжен за два дена (18 и 20 јануари) со одлука на Министерството за образование, по препорака на Комисијата за заразни болести, како превентивна мерка против ширењето на грипот. Двата дополнителни дена од распустот, ќе бидат одработени во саботен ден, во текот на месеците март и април.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар