Електронски рецепти и во следните шест месеци

Владата на вчерашната седница ја дополни Уредбата со законска сила за примена на Законот за здравствено осигурување за време на вонредна состојба, со што и шест месеци по престанокот на вонредната состојба се уредува можноста за пропишување и издавање на лекови без хартиен образец на рецепт, односно можност за електронско пропишување на лекови од Листата на лекови.

Пациентите не мора да одат кај матичните лекари да за хартиени рецепти, туку само треба телефонски да се јават кај нив и да добијат информација дека рецептот им е креиран. Потоа, дирекно одат во аптека и со личен документ ги подигаат пропишаните лекови.

Воедно, со овие измени и дополнувања се предвидува ослободување од партиципација на осигурениците при користење на здравствените услуги поврзани со дијагностицирање и лекување на коронавирус.