Longleat labirint – најдолгиот лавиринт на светот

Longleat labirint се наоѓа во градината на една вила во Лонглит, во непосредна близина на селото Хорнингсхем во Англија. Дизајниран и отворен во 1975-та година, овој лавиринт се состои од 16.000 коренчиња англиска жива ограда, а вкупната должина на патеката изнесува дури 2.27 километри.

Живата ограда во лавиринтот е висока 2.5 метри, а се извртува околу шест издигнати мостови и централна кула за набљудување. Живата ограда ја одржуваат шест градинари на кои им се потребни месец дена да ја потстрижат и уредат оградата, а овој процес се повторува секои шест месеци. Но, одржувањето на живата ограда представува само пола од работата. Вистински предизвик за градинарите е навигацијата, а посебно за новите работници кои често се губат во неа.

Лавиринтот е толку комплексен што посетителите понекогаш и со часови се движат низ него. За оние кои не успеваат да го пронајдат излезот, во лавиринтот се наоѓаат сигурносни панели преку кои може да се побара помош, па некој од персоналот да дојде по нив. Некои посетители мамат со помош на модерната технологија. Се користат паметни телефони и Google maps така што, со помош на GPS сигналот, побрзо да го најдат излезот.

Покрај лавиринтот на истиот имот се наоѓа и огромен сафари парк во кој слободно се движат над 500 егзотични животни.