Филипоски: Излезете гласајте со целосно почитување на протоколите, изборите се безбедни

Канидатот за пратеник во ИЕ 6 од Коалицијата „Можеме“ што ја предводи СДСМ, Драгољуб Филипоски ги повика граѓаните да излезат на гласање на изборите, нагласувајќи дека со целосно почитување на протоколите изборниот процес е безбеден.

„Секојдневно се докажува дека со строго почитување на протоколите се спречува ширењето на заразата од коронвирусот. Со почитување на протоколите можеме да пазаруваме, да одиме во угостителски објект, да користиме јавен транспорт и да бидеме заштитени. Институциите, здравствената стручна јавност, подготви сигурен и ефикасен протокол за заштита на здравјето при гласање, кој обезбедува максимална заштита за гласачите, набљудувачите, членовите на избирачките одбори и сите учесници во изборниот процес. Гласањето на 15 јули ќе биде со целосна заштита! Со строго почитување на протоколите гласањето ќе биде сосема безбедно и може да го оствариме своето право на глас без закана по сопственото или здравјето на другите. И во услови на пандемија државата има капацитет да спроведе здравствено безбедни избори. Важно е на такви безбедни избори, граѓаните да излезат и да го остварат своето уставно загарантирано право на глас. Важно е за да обезбедиме функционални и целосно легитимни институции, важно е за економијата, важно е државата и иднината. Целосно да ги почитуваме протоколите за заштита и да го оствариме своето право на глас.