Во Гостивар и денес 10 новозаразени со коронавирус

Изборите ги фрлија во сенка информациите за состојбата со коронавирусот. Иако, четири месеци беше тема број еден, и граѓаните и институциите се чини дека денес го подзаборавија. До овој момент (16.45 часот), Министерството за здравство нема објавено дневен извештај во кој ги сумира тестирањата, бројките на новозаболени, оздравени, починати и активно болни лица.

Според информациите кои Gostivarpress.mk ги доби од гостиварската епидемиолошка служба денес се потврдени 10 нови случаи на корона во регионот, сите во Гостивар. Од вчерашните, исто така 10 случаи, 8 се од Општина Гостивар и два од Општина Врапчиште.

Бројката на заразени со коронавирус периодов е во постојан пораст. Според сознанијата на медицинските служби најголемиот дел од новите пациенти, имале контакт со веќе потврден случај.

Бројката на активно болни на подрачјето е над 155, од кои најголемиот дел се од Општина Гостивар.