Преубави портрети насликани со кафе на стара употребена хартија

Уличниот уметник Мајкл Арон Вилијамс, познат е по своите улични перформанси, како што е прикажување на бездомници направени со сечење картон, со кои уметникот се обидува да го сврти вниманието на јавноста кон овој проблем.

Но, во својот нов серијал се одлучил за малку поинаков пристап. На стара хартија некоја и повеќе од 100 години, уметникот слика прекрасни портрети користејќи само кафе и малку мастило со кое ги изразува контурните линии на цртежот. Според неговите зборови, кафето е извонреден материјал кој има природна органска боја, совршено се совпаѓа со бојата на старата хартија. Може да се користи како акварел, со тоа што е доста поевтино, а и многу поубаво мириса.