Кокос мафини со банана и малини

Вкусни и сочни мафини, подготвени со здрави и квалитетни намирници. Испробајте го овој едноставен рецепт и почестете се себеси и вашите најмили со еден малку поздрав десерт.

Состојки:

2 јајца
140 g агаве сируп (како природен засладувач)
1 банана
80 g кокосово масло
300 ml млеко
1 лажица лимунов сок
100 g кокосово брашно
1 лажица прашок за пециво
40 g овесни трошки (снегулки)
200 g свежи малини
малку чипс од кокос

Подготовка:

*За подготовка користете мелено коксово брашно, не кокосови трошки.

Во млекото додадете 1 лажица лимунов сок. Промешајте и оставете го млекото на страна неколку минути да се згусне. За тоа време изматете ги јајцата, агаве сирупот и кокосовото масло. Додадете згуснатото млеко со лимунов сок – buttermilk.

Испасирајте ја бананата и измешајте ја со подготвената смеса. Потоа додадете ги сувите состојки кокосовото брашно, овесните трошки и прашокот за пециво. На крај полека измешајте ги свежите малини.

Смесата распоредете ја во калап за мафини, во хартиени кошнички. Секоја кошничка наполнете ја 3/4, а на врвот додадете малку чипс од кокос. Мафините печете ги 18 до 20 минути на температура од 170 степени, со чепклака може да проверите дали се испечени. Уживајте.