Учење на далечина: 11.000 луѓе гледале погрешно финале online на интернет

Ковид-19 пандемијата негативно се одрази на сите области во животот, насекаде низ светот. Па така, го погоди и фудбалот. На 23 август се одигра големото клубско фудбалско финале во Лигата на шампионите помеѓу “шеиците” на Париз Сент Жермен и “германската машинерија” Баерн од Минхен, кое го доби „машинеријата“ победувајќи со резултат (0:1).

Може само да замислиме каков дуел ќе беше, се да беше како треба, односно да не постоеше короната, на стадионот „Да Луж“ во Лисабон (Португалија), ќе имаше најмалку 25 илјади французи наспроти 40 илјади германци на трибините. Вака во време на светска пандемија и фудбалот не е тоа што беше, натпреварите се играат без ниту еден навивач, пред празни трибини на кои се редат картони и пуштаат звуци, а натпреварите се следат од далечина односно online, преку паметни уреди и тв.

Оnline методата станува се позастаспена во секојдневието, со тоа што потребно е само мобилен или лаптоп и може да се гледа. Така во еден момент, над 11.000 луѓе го гледале финалето помеѓу ПСЖ и Баерн преку YouTube, кое беше демек стримувано во живо. 

Ова е една од поголемите „интернет измами“ во смисол, некој да успее на маса напредни „европски“ гледачи да им го подметне натпреварот на годината, во живо, а всушност тоа е стар дуел од 2017/2018 сезоната. Среќа, Лигата на шампионите ги заштитува своите снимки, па online стримот, за гледање од далечина поради нелегален пренос е навреме прекинат.