Од денес стартува обесшетувањето на депонентите на Еуростандард банка

Исплатата на обесштетувањето на осигурениот износ на депозити до законски утврдениот максимален износ од 1.850.889 денари за депонентите на Еуростандард банка, започнува од денес (15 септември). Исплатата ќе се извршува преку четири деловни банки, а депонентите се распределени според почетните букви во презимето, односно првата буква од називот за самостојните вршители на дејност.

Депонентите чие ПРЕЗИМЕ започнува на буквите А, Б, В, Г и Д ќе се исплаќаат во експозитурите на „Комерцијална банка” 

Депонентите чие ПРЕЗИМЕ започнува на буквите од Ѓ, Е, Ж, З, Ѕ, И, Ј, К, Л и Љ ќе се исплаќаат во експозитурите на „НЛБ Банка” 

Депонентите чие ПРЕЗИМЕ започнува на буквите од М, Н, Њ, О, П и Р ќе се исплаќаат во експозитурите на „Стопанска банка” 

Депонентите чие ПРЕЗИМЕ започнува на буквите од С, Т, Ќ, У, Ф, Х, Ц, Ч, Џ и Ш ќе се исплаќаат во експозитурите на „Халкбанк” АД Скопје

Депонентите – самостојни вршители на дејност со личен труд кои во „Еуростандард банка“ АД Скопје во стечај биле регистрирани како ТП (трговци поединци) или Адвокат Име Презиме или Извршител Име Презиме или Нотар Име и Презиме, своето обесштетување ќе го подигнат според првата буква од називот.

Тие покрај документ за идентификација (лична карта, пасош) потребно е да приложат доказ за регистрација на стопанската дејност (тековна состојба).

Пример: Адвокат Петар Петровски се смета за депонент чиј назив започнува со буквата А.

Пример: ТП Петар Петров се смета за депонент чиј назив започнува со буквата Т.

Повеќе детали на следниот ЛИНК.