Измамен гостиварец – го излажале да им даде 300 евра за транспорт на починат

Несекојдневен случај со измама бележи полицијата во Гостивар. Гостиварец бил мета на измамници кои го излажале да им даде пари за наводен транспорт на мртовец од Албанија.

Вчера (22 септември) во 13 часот и 20 минути, Б.А. од Гостивар во СВР Тетово пријавил дека на 20-ти овој месец телефонски му се јавило едно лице и му побарало 300 евра, наводно за да биде донесен починат човек од Албанија. Измамникот му рекол дека моментално се враќа од Турција поради што не може тој лично да ги земе парите, па побарал гостиварецот парите да му ги даде на друго лице, кое ќе дојде да ги земе на договорено место. Попладнето околу 19 часот, во близина на Здуњска крстосница лицето дошло со возило,  а Б.А. му ги дал парите, по што повеќе не го слушнал и сфатил дека е измамен.

Полицијата соопшти дека се преземаат мерки за расчистување и документирање на случајот.