Донација за дечињата кои се лекуваат на педијатрија во Гостивар

Младите Христијан Божиноски и Симона Јанакиеска од Гостивар решија да им го разубават секојдневието и барем малку да ги развеселат дечињата кои се лекуваат на одделението за педијатрија во Гостивар. Изминатиот период се ангажираа обезбедија дидактички играчки, друштвени игри, прибор за цртање и боење, ќебиња и друго и веќе ја доставија донацијата на педијатрија во општата болница „Др. Ферид Мурат“.

„Акцијата ја спроведовме во соработка со доктор Ферид Муча-шеф на оделението за педијатрија. Искажуваме благодарност до донаторите: Home Concept, MAT Café, Nail Salon She, како и книжарите „Култура“, „АБЦ“, „5+“ и „ Office Plus“, како и до Gostivarpress.mk, што придонесоа оваа акција успешно да се спроведе. Целта на оваа нашат активност е сето ова време поминато во хоспитализација за децата да биде што повеќе исполнето со забава, бидејќи најубавиот поглед е детската насмевка.“, рекоа организаторите на акцијата.