Царовска: Нема интерно ширење на коронавирусот во училиштата

Министерката за образование Мила Царовска ја оцени епидемиолошката состојба во училиштата како стабилна, поради што надлежните не гледаат потреба од предвремен зимски распуст.

Според податоците од МОН, активни ковид позитивни се помалку од 1% од вкупниот број на наставници, односно 0,06 проценти од вкупниот број на ученици.

„Ова се факти кои зборуваат дека интерно ширење на вирусот во училиштата нема, дека образовниот систем е стабилен и училиштата ги почитуваат мерките и здравствените протоколи. Токму затоа, продолжуваме да го спроведуваме Планот од Владата за учебната 2020/2021, според кој второто полугодие ќе почне на 21 јануари, а на крајот на годинава ќе заврши првото полугодие“, рече Царовска.