Гостивар
Утре состанок на полошките градоначалници за Русино
Градоначалниците од полошките општини, утре на состанок во Желино ќе го разгледуваат проблемот со Русино. На депонијата не се дозволува транспорт на ѓубре од другите општини, освен од Гостивар. За да се продолжи со фрлање на отпад и да се овозможи спроведување на проектот за регионално управување со отпад, граѓанските еко активисти бараат писмена гаранција дека Русино ќе се дислоцира во рок од 5 години. Градоначалникот Арбен Таравари вели дека ги поддржува во барањето.
Дали ќе бидат прифатени условите кои еколошките здруженија ги бараат и кога ќе почне спроведувањето на проектот за регионално управување со отпадот, останува да се види.
„На состанокот во вторник меѓу другото треба да разговараме и за тоа, како ќе се одвива работата со Русино во иднина. Но, за да дојдеме до некој договор, претходно ќе треба да потпишеме документ кој беше координиран заедно со еколошките здруженија Стоп Русино и ГвЕко кои побараа и инсистираа и јас ги поддржував во тоа Русино за 5 години да се дислоцира. Треба да седнеме сите градоначалници да потпишеме и да се договориме кои ќе бидат следните чекори. Се надевам дека со тоа ќе почне и проектот финансиран од Швајцарија за регионално управување со отпадот“, изјави градоначалникот Таравари.
Во меѓувреме за Гостивар се отвори нов проблем. Фирмите кои вршеа затрупување на ѓубрето и рамнење на површините на Русино се откажуваат од ангажманот. Причина се ограничените финансии на општината, вели градоначалникот.
„До пред две-три недели се третираше. Повеќе компании кои одеа да работа се повлекуваат затоа што општината нема финансии доволно да ги плаќа. Ќе треба да направиме нова објава на оглас и да видиме дали ќе се пријави некоја фирма да продолжи со средување на теренот. Или тоа ќе започне кога ќе се основа регионалното претпријатие за Русино, кое треба да го преземе менаџирарњето.“, рече Таравари.
Проблемот со Русино се актуелизираше во август годинава, кога граѓанските активисти поставија блокада и забранија депонијата да се користи како регионална. По низа средби, дебати, протести, преговори се постигна договор со Министерството за животна средина, за затворање и дислоцирање на Русино во рок од 5 години. За да биде валиден, потпис треба да стават градоначалниците на сите општини во Полог.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница