Протест во Гостивар – Се бара оставка и одговорност од Заев

Вечерва во Гостивар ВМРО ДПМНЕ одржа протест со колона автомобили низ улиците на градот, под мотото „Протест сега, за да не биде предоцна“.

Протестот се зокоружи на градскиот плоштад со обраќања, во кои се побара оставка и одговорност од премиерот Зоран Заев.

„Стенете сите чесни Македонци, Албанци, Турци, Роми, Срби, Еѓипќани, Бошњаци, Власи, Црногорци. Станете да си ја одбраниме Македонија. Зоран Заев навистина можел повеќе, но повеќе во распродажбата на Македонија, во рушење на нашето достоинство, во уништување на семакеоднското. Зоран Заев кој тврдеше дека е на прав пат, сега избира патокази. Не ни треба патоказ, нашиот пат го издоеле нашите предци, дел од нив изгинале  за Македонија. Зоран Заев ги превртува во гробовите нашите херои убиени од фашистички куршум. Денес се пазари и за нашиот јазик и историја. Македонија не е пазар, Македонија не е на Зоран Заев, Македонија е наша и стануваме во нејзина одбрана сега, за да не биде предоцна. Гостивар даде 500 животи за слободна Македонија во време на НОБ, затоа Гостивар вечерва е на нозе и затоа цела Македонија е на нозе. Спроти нас е споменикот на народниот херој Чеде Филипоски Даме, кој се уште има живи потомци, и се‘ уште има следбеници на неговото дело. Историјата на Македонија е и во нашите срца, и од таму не може да се избрише, боли, потсетува, опоменува и казнува, ќе го казни секој еден кој сака да ја измени. Од тука од Гостивар, каде мултиетничноста е наше обележје и горндост ти порачуваме Зоран заев да се откажеш од твојот пазар. Од мирољубив и искрен Гостивар, ти порачуваме не си играј со коските на мртвите, со нашата историја.  Заминувај и отстапи Зоране, тоа е најмалото нешто што може да го сториш за доброто на Македнија. Оставка и одговорност после неа, тоа ти следува и само тоа го заслужи. Ова е псоледната црвена линија преку која нема да те оставиме да преминеш“, нагласи пратеничката Дафина Стојаноска.

На протетсот се обрати и Гордана Димитриеска Кочоска, член на извршниот комитет на ВМРО ДПМНЕ. „

„Ги живееме најтешките денови од историјата на овој народ. Сите предавници во минатото го забодувале својот нож во грб, овој предавник го забодува дирекно во срце. Неговот име е Зоран Заев и историјата ќе го памети како најголем предавник на македонскиот народ. Од овде, од Гостивар му порачувам дека Македонија не е негова своина и нема право да ја распродава“, подвлече Димитриеска Кочоска.