Гостивар
Вакцини против ковид во земјава на почетокот од 2021-ва: Приоритет за медицинарите, постарите, хронично болните
Вакцинацијата против ковид во Македонија ќе започне да се спроведува во првите месеци од следната година, најавија здравствените власти. Вакцините ќе бидат бесплатни за граѓаните, а приоритет ќе добијат медицинските лица, граѓаните над 65 години и хронично болните.
„Обезбедивме 833 илјади вакцини за 400 илјади граѓани преку КОВАКС механизмот. Покрај овој механизам, веќе се доставени барања за директни договори за вакцини до две светски компании Астра Зенека и Фајзер. И третиот механизам е механизмот кој го понудија дел од земјите членки на ЕУ. Вакцинацијата ќе се врши во вакциналните пунктови и болниците. Вакцинацијата ќе биде бесплатна за граѓаните.Ќе се спроведе брз процес на тренинг за вакцинирање, согласно спецификите на вакцините од Ковид-19. Добивме потврда од Американска фондација за потребни фрижидери на минус 70 степени и тие ќе стигнат на почетокот на јануари. Тие ќе бидат дел на овој систем на чување и дистрибуција на вакцините во државата. Како приоритет ќе се вакцинираат сите здравствени работници кои работат во ковид центрите или се директно изложени или работат со заболени или суспектни. Понатаму, здравствени работници коишто работат со земањето на брисеви, граѓаните над 65 години, пациентите со хронични болести во делот на хронично белодробни и кардиоваскуларни болести според шифрите на дијагноза преку системот Мој Термин, како и вработените во критичната инфраструктура и транспорт.“, изјави на вчерашната прес конференција министерот за здравство, Венко Филипче.
Министерот нагласи дека со процесот на вакцинација практично ќе започне последната фаза од пандемијата. „Се наѕира крајот на еден крајно тежок период во светската историја. Го спремаме здравствениот систем и ја дефинираме целосната патека за ефикасен начин на вакцинација. Сепак, епидемијата е сѐ уште во полн ек, а ризикот од зараза и натаму многу висок. Апелирам да се почитуват мерките за заштита.“, рече Филипче.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот