Пазарен јануарски пандемски ден во Гостивар – Тезгите полни, џебовите и кесињата празни

Економската криза што ја донесе пандемијата се чувствува и меѓу пазарџиите во Гостивар.  Вторничниот пазарен ден помина без вообичаената раздвиженост што ја имало пред актуелната состојба, и со помалку купувачи. На тезгите има широка понуда на овошје и зеленчук, но продажбата е слаба.

Вредни и услужливи продавачи, со доза на разочараност зборуваат дека владее криза и не можат да заработат ниту да ги покријат трошоците. Традицијата во вторничниот пазарен ден да се наполни пазарот со купувачи, да се полнат кесињата со разни производи, па да има ценкање, надвикување со „бујрум“, сега ја немаше.

Последиците од ковид пандемијата ги чувствуваат и пазарџиите. Велат годинава не поминале најдобро ни со печалбарите, кои само минимално ја освежиле продажбата.

Портоколите денес на пазар се продаваа 3 килограми за 100 денари, нешто поевтини беа јаболката кои одеа 4 кг. за 100 денари, цената на мандарините и ломонот беше од 50 до 60 денари, пиперките 120 денари килограм, две китки марули за 50 денари итн.