Гостивар
Вработените на инфективно во Гостивар никако да ги добијат ваучерите што им следуваат
И по повеќе од половина година, на вработените во инфективното одделение во гостиварската болница не им се дадени платежните картички кои им следуваат со третиот пакет антикризи мерки, како вклучени во борбата против ковид. Владата најави дека наскоро ќе започне да се спроведува петтиот пакет економски мерки за справување со коронакризата, а тимот на инфективно, се уште не ги добиле ваучерите, што се доделуваа лани.
Тие и во октомври преку медиумите реагираа за истиот проблем, напоменувајќи дека доставиле списоци на вработени, поднесувале и приговори, но ефект нема. Сега повторно јавно прашуваат, кога конечно ќе им бидат дадени ветените платежни картички.
„Сакам уште еднаш да потсетам дека ваучерите што требаше да ги добиеме, со по 20% од плата за март и април лани, се уште не сме ги добиле. Има револт кај голем дел од вработените на инфективно, има незадоволство. Не сакаме во овие тешки времиња да одиме со штрајкови, некои порестриктивни мерки, пожелно е надлежните уште еднаш да го разгледаат проблемот, затоа што тие ваучери државата ги вети.“, рече д-р Ратко Наумоски, раководител на инфективното одделение во Гостивар
Конкретен одговор од Владата зошто на вработените на инфективно во Гостивар се уште не им се доделени ваучерите и каде настанат проблемот, не добивме. Во одговорот од владината прес служба се вели:
„Се анализираат причините зошто е дојдено до ваква ситиација и овие здравствени работници не ги добиле платежните картички кои им следуваа со третиот пакет економски мерки за справување со пандемијата. Во меѓувреме се разгледуваат модалитети помошта да им биде исплатена во најскоро време.“
Инфективното одделение во болницата во Гостивар има персонал од 30-тина вработени.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ