Викенд временска прогноза

Последниот викенд од јануари ќе помине со облачно време и врнежи.

Денес, петок, метеоролозите прогнозираат променливо облачно време со сончеви периоди и слаб до умерен јужен ветер. Во вечерните и ноќните часови се очекуваат врнежи од дожд, а на планините и на некои повисоки места од снег. Температурата ќе се движи од -3 до 4 степени.

Утре (сабота) врнежите ќе продолжат проследени со умерен до засилен северозападен ветер. Минималната температура ќе биде 0, максималната ќе достигне 5 степени. И во недела ќе се задржи претежно облачно време, попладне со врнежи од дожд, а на планините од снег, пообилни во западните делови.