Бојкотот на матурантите од понеделник ќе се паузира

Сојузот на средношколци на Генерално собрание вчера доцна попладне донесе одлука да го стави во мирување бојкотот на матурантите.

„По нашите средби со пратениците во Собранието, Сојузот на средношколци е сигурен дека ја ужива поддршката на повеќе од 70 пратеници во законодавниот дом. Во тој поглед, Генералното собрание на Сојузот одлучи привремено да прекине со бојкотирањето на наставата – од 6 до 12 февруари 2021 година. Нашиот бојкот e последица на немањето слух за нашите проблеми, укажувања, аргументи и конкретни предлози. Истото нема за цел губење на настава и учење, туку изменување на годинешната државната матура. Ни требаат и квалитетна настава и изменета дражавна матура и натамошен образовен и професионален развој. Поради ова, Сојузот им остава можност и време на институциите да ги прифатат и спроведат нашите барања.“, соопшти Сојузот.

Матурантите бараат измени во концептот на полагање на државната матура, односно кратење на предметите од 4 на два.