Гостивар
Откриени поголем број нови варијанти на ковид-19 во земјава
Зголемување на новозаразени и починати, но и на оздравени лица бележи Институтот за јавно здравје во последниот неделн извештај за состојбата со ковид во земјава, што се однесува на перидот од 1 до 7 февруари.
Тестирани биле вкупно 14.398 материјали, а регистрирани сe 2.120 нови позитивни случаи од 34 градови во државата со зголемување од 4,1% во однос на минатата недела. Процентот на позитивност се движи од 10,3 до 17,7%, просечно 14,2%. Најголем дел од регистрираните случаи се од Скопје, вкупно 1.011. Во регионот на Гостивар имало 36 нови случаи.
Меѓу новозаболените најастапена е возрасната група на лица на возраст над 60 (568). Голем број на заболени се регистрира и кај лицата во возрасните групи од 30-39 (422), 50-59 (381), 40-49 (358) и 20-29 (257). Најмал број е регистриран кај децата од 0-9 (40) и 10-19 години (94).
По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 3.322 лица кои биле хоспитализирани или на домашно лекување, 11,6% повеќе во споредба со минатата недела.
Пријавени се 66 смртни случаи од 21 град, со зголемување од 3,1% во однос на минатата недела. Во однос на возраста, 58 лицa биле над 60 години, 5 лица на возраст од 50-59 години и по едно лице на возраст од 40-49, 30-39 и 20-29 години.
Во извештајниот период, до ИЈЗ биле пријавени 649 материјали кои биле секвенционирани за присуство на “британскиот” сој на SARS-CoV-2 од три лаборатории (ИЈЗ, Жан Митрев и МАНУ). Од секвенционираните, 56 се позитивни за присуство на новиот сој на SARS-CoV-2. Од овие резултати е забележано дека “британскиот” сој на SARS-CoV-2 е присутен во осум градови, а најголем број случаи се откриени во Охрид (25), Прилеп (10) и Кавадарци (4).
Согласно анализите од МАНУ, во последниот период се детектирани поголем број на нови варијанти, кои претходно не беа присутни кај пациентите во нашата држава, што може да укажува на континуиран внес на нови случаи на COVID-19 од странство, наведува ИЈЗ.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница