Полицијата во Гостивар „ловела“ брзи возачи, изречени 23 казни

МВР соопшти дека во сабота (27 февруари) од 18.00 до 24.00 часот на гостиварското подрачје била спроведена акциска контрола за брзина во која биле откриени и законски санкционирани 23 прекршоци.

Тринаесет прекршоци биле констатирани на автопатот Гостивар-Тетово, во близина на Тумчевишка клучка, од кои 4 пречекорувања биле за над 70 километри на час, а 9 од 50 до 70 километри на час. Десет прекршоци, пак, биле откриени со употреба на таканаречен „ноќен радар“ на улица „Илинденска“ во Гостивар, а пречекорувањата биле за 10 до 50 километри на час.

На сите прекршители изготвени им се поднесоци и тие ќе се соочат со законски предвидените парични глоби и други санкции.