Домашна пита со шампињони и лук (мрсна и посна верзија)

Во оваа пита со сигурност ќе уживаат љубителите на месено, кои ја сакаат и аромата на лук. Може да ја направите во мрсна или посна верзија, со менување на само една состојка.

Состојки:

за тесто

600 гр брашно

2-3 лажици масло

1/2 прашок за пециво

млака вода, масло

за фил:

1 кг. свежи шампињони

10 маслинки

2-3 главици лук

2 лажици кисела павлака (доколку сакате посна пита ставете кисела вода или доматен сос)

Сол, бибер, оригано, масло

Подготовка:

Измешајте ги состојките за тестото и убаво замесете го. Обликувајте го и ставете го да отстои. Исецкајте ги шампињоните, пропржете ги и оставете ги да се изладат. Потоа додадете им ситно сецкан лук, павлака (кисела вода, доматен сос), маслинките исечени на половина, зачини и масло.
Обликувајте го тестото според плехот во кој ќе се пече питата, а претходно намачкајте го со масло. Тестото растегнете го со рака и врз него распоредете го филот. Земете ги краевите од тестото и развлечете ги преку нанесениот фил. Откако филот ќе биде покриен со тестото, попрскајте ја питата со малку масло. Се пече на 200 степени околу половина час, односно додека не зарумени.