Светски ден на бубрегот – Во Гостивар шеесетина пациенти одат на дијализа

Вториот четврток од месец март секоја година се одбележува како Светски ден на бубрегот. Целта е да се обрне повеќе внимание кон ризик факторите кои влијаат врз појава и развој на бубрежните болести.

Се смета дека во Македонија од хронична бубрежна болест во различна фаза, страдаат околу 200 илјади граѓани. Во крајниот стадиум болеста бара лекување со дијализа или трансплантација. Во регионот на Гостивар, според искуството на нефролозите, на дијализа најчесто завршуваат пациенти со дијабетес. Ризик фактори се и високиот крвен притисок, камчиња во бубрег и друго.

Болестите на бубрезите до извесна мера, може да се држат под контрола, сметаат лекарите. За таа цел потребни се редовни прегледи, контроли, соодветна терапија и правилен третман.

Во земјава околу 1.500 пациенти одат на дијализа, додека во Гостивар бројката е околу 60.