Седум возачи казнети за непрописно паркирање

Сообраќајната полиција и „пајак службата“, секојдневно низ улиците на Гостивар контролираат колку се почитуваат правилата за паркирање на возилата. Во последните контроли на гостиварското подрајче, биле подигнати седум непрописно паркирани автомобили. Несовесните возачи, покрај сумата што ја плаќаат за да си го вратат возилото подигнато од „пајакот“, добиваат и казни согласно законот.

Сообраќајците вчера низ гостиварските улици во поединечни случаи фатиле и три лица кои управувале автомобили, а немале возачка дозвола. Освен нив, казни заработиле и сопственици на возила со истечена регистрација.

Во сообраќајните контроли вкупно биле изречени 30 казни од кои половината прекршочни, а останатите мандатни платни налози.