„Форд“ направи парфем со мирис на бензин

Производителот на автомобили „Форд“ прави обид да ги поттикне возачите полесено да се одлучат да преминат од бензински погон на електричен. Фирмата создаде парфем со мирис на бензин. Со овој нов парфем „бензин“, Форд им порачува на своите клиенти дека нивниот култен Мустанг ќе работи на електрична енергија во иднина, но секогаш може да имаат нешто што ќе ги потсетува на класиката, а тоа е мирисот.

Според истражувањето што го спроведоа, секој петти возач на автомобил смета дека најмногу ќе му недостасува мирисот на бензин кога ќе се префрли на електричен автомобил. Скоро 70% од испитаниците изјавиле дека барем до одреден степен ќе им недостасува мирисот на октан.

Ако се верува во ова истражување, луѓето го рангирале мирисот на бензин меѓу најпосакуваните, попријатен од мирисот на вино или сирење, приближно ставајќи го на исто ниво со мирисот на нови книги.

Сето ова им дало идеја на експертите на Ford, па тие создадоа парфем Splash And Dash наречен „Mach-Eau“, парфем кој мириса на возило напојувано од фосилни горива

Покрај бензинот, тој содржи „нијанси на чад, гумени снегулки и „животинска“ компонента за да се создаде „впечаток на коњите”. Сето ова треба да потсетува на наследството на марката Форд и нивниот класичен Мустанг.

Кога го создавале овој парфем, експертите за мирис ги анализирале хемикалиите што можат да се најдат во внатрешноста на возилата, во нивните мотори и бензин, на пример бензалдехид и п-крезол. Тие го измешале со класични состојки на парфем како што се ѓумбир, лаванда, здравец и сандалово дрво, кои додале дополнителни тонови на последниот мирис.