Средношколците во Гостивар ќе почнат да одат во училиште од понеделник

Владата на денешната седница донесе одлука наставата во средните училишта во Тетово и Гостивар да продолжи да се изведува онлајн до 20 септември (понеделник). Учениците од понеделник се враќаат во училишните клупи.

Средношколците во овие градови ја започнаа учебната година онлајн, поради влошената состојба со коронавирусот. Како што веќе информиравме, општинскиот Сектор за образование на Гостивар излезе со став дека состојбата сега е смирена и има услови да се почне со настава со физичко присуство, а средните училишта се подготвени.