Култура
Велигденски концерт на „Браќа Ѓиноски“ во четврток
Градското аматерско културно уметничко друштво „Браќа Ѓиноски“ од Гостивар традиционално ќе одржи велигденски концерт. Во чест на големиот христијански празник, во четврток, пред домашната публика ќе се претстават членовите на младинската и сениорската фолклорна група, како и оркестарот на друштвото. Ги посетивме синоќа на една од нивните проби во објектот на некогашен Пионерски дом.
„Ние работиме и одржуваме проби преку целата година, но оваа недела ги интензивиравме подготовките за да бидеме што подобри и да се покажеме во најдобро светло пред публиката. Младинската група ќе се претстави со орото Водарки, додека поискусните членови со повеќе сплетови на ора како Тресеница, Повардарие и други. Оркестарот ќе изведе неколку народни песни и сплетови на ора“, рече Предраг Ристески, кореограф
Неколку дена по концертот во Гостивар, „Браќа Ѓиноски“ ќе има настап во Македонски Брод на манифестација, исто така посветена на Велигден. За наредниот период најавуваат уште неколку концерти, учества на фестивали и гостувања. „Во мај предвидени се гостувања во Трница и во Тетово, додека за во јуни планирана е манифестација „Полог пее и празнува“ на која ќе учествуваме заедно со други културно уметнички друштва од полошкиот крај“, најави Анте Тодоровски, секретар на ГАКУД „Браќа Ѓиноски“
Четврточниот концерт по повод Велигден ќе се одржи во Центарот за култура „АСНОМ“ со почеток во 17 часот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот