ДУИ Гостивар: Наводната постапка за катни гаражи уште една измама на Таравари

Огранокот на ДУИ во Гостивар преку соопштение за јавноста, ја искоментира постапката за избор на понуди за катни гаражи, како уште еден обид за измами и лаги од актуленото општинско раководство.

„Ова е последниот обид на градоначалникот во заминување, да започне фарса постапка за наводно „избирање на понудувачи за доделување концесија за изградба на три катни гаражи“ и тоа за да се покрие уште еден неуспех во четиригодишниот мандат. Тој пред четири години вети дека ќе гради катни гаражи и сега кога ги брои последните денови на чело на општината, се обидува да ја оживее четиригодишната измама, неколку недели пред граѓаните на Гостивар му ја дадат казната преку нивниот слободен глас. За среќа, граѓаните се свесни и целосно ја разбираат политичката акција на Таравари: Плачи, мами и владеј. На 17 октомври измамите на Таравари ќе бидат разоткриени од граѓаните на Гостивар со тоа што ќе го казнат со нивниот слободен глас.“, се вели во соопштението на ДУИ.