Без многу пот, КК Гостивар славеше против Ангели во Скопје 74-88

74-88 заврши натпреварот од 5.коло помеѓу екипите на Ангели и КК Гостивар.

Гостите од Гостивар го имаа водството од самиот почеток на натпреварот, во неколку наврати во првиот дел домаќините успеваа резултатски да се приближат, но немаа доволно сили да го преземат водството. На полувреме се замина со резултат 39-41.

И оние резултатски надежи кои ги имаа кошаркарите на Ангели во првиот дел, стана невозможна мисија во второто полувреме, уште во третиот период КК Гостивар обезбеди разлика која искусно ја одржуваше до крајот на натпреварот.

Никола Силаџи беше најефикасен кај гостите, постигна 20 поени, Ворку 18, Тодоровиќ 16, Јанески 12, Дејли 8, Ефремовски 7, Стојаноски 4 и Ре.Димитриевски 3 поени. Најефикасен на натпреварот беше Мандерсон од редовите на Ангели со 25 поени.

Во следното коло КК Гостивар повторно гостува кај уште еден дебитант во Првата лига, екипата на Феникс.