Богат со витамини, го регулира холестеролот и помага на очите – еден од најздравите зеленчуци

Кељот се смета за еден од најздравите и најхранливите видови зелен лиснат зеленчук. Ова е вистинска суперхрана полна со корисни соединенија, кои имаат моќни лековити својства.

Богат е со витамин А, витамин Ц и витамин К. Лиснатиот дел содржи и фосфор, магнезиум и калиум. Ова се здравствените придобивки од кељот, а зошто е добро да го вклучите во вашата редовна исхрана во различни форми прочитајте во продолжение.

Влијае на регулација на холестеролот

Конзумирањето кељ ја забрзува синтезата на стомачната киселина во организмот, а со тоа помага во регулирање на нивото на холестерол. Помага во спречување на разни кардиоваскуларни болести и добар е за здравјето на срцето.

Го чува здравјето на коските

Кељот е богат извор на калциум, фосфор и витамин К. Помага во подобрување на густината на коските и го намалува ризикот од остеопороза и фрактури.

Богатство од минерали

Кељот е богат со есенцијални минерали како што се калиум и магнезиум. Додека калиумот помага во намалување на ризикот од срцеви заболувања и го контролира крвниот притисок, магнезиумот помага да се заштити телото од дијабетес тип 2.

Помага во одржување на здравјето на очите

Кељот помага да се подобри здравјето на очите и да се заштитат очите од штетните УВ зраци. Богат е со каротеноиди, вклучувајќи зеаксантин и лутеин, кои помагаат за подобрување на видот.

Богат е со антиоксиданси

Кељот е богат со антиоксиданси како витамин Ц и бета-каротин. Тие помагаат да се потисне оксидативното оштетување предизвикано од слободните радикали во телото, што може да го зголеми ризикот од рак и да го забрза процесот на стареење.