Зимска имунолошка бомба богата со минерали и витамин Ц

Во зима потребно е да се води сметка за здрава, урамнотежена исхрана, богата со витамини, минерали и хранливи материи. Со физичка активност и правилна исхрана правиме најдобро за сопствениот имунитет и неговиот одбранбен механизам, особено кога сме изложени на вируси.

Вистинско време е да се комбинираат состојките и да се подготват здрави пијалоци кои се пијат како ужина, го детоксифицираат организмот и природно не штитат од болести. Идеална комбинација е кога ќе вклучиме храна богата со цинк, но и различни витамини.Овошја кои се секогаш добар избор се јаболката, богати со цитамин Ц, а потоа, уште еден моќен извор на овој витамин се лимоните и портокалите .

Кога ќе додадете ѓумбир, кој има антиинфламаторно и антивирусно дејство, а помага и при мачнини и настинки, сте ја постигнале идеалната комбинација. Овој рецепт содржи и морков, зачин од куркума, кој помага во спречување на воспалителни процеси, какао кое е значаен избор на железо, цинк и други минерали. Друг извор на цинк и влакна е лененото семе.

Состојки:

• 3 лимони и 3 портокали
• 4 јаболка
• 5 моркови
• лажица рендан ѓумбир
• 2 лажички ленено семе
• 2 лажички какао
• 2 прстофати куркума

Подготовка:

Јаболката и морковите исечкајте ги, па додадете го исцедениот сок од лимон и портокал. Додадете ги сите останати состојки. Додадете им 300 мл вода, па измешајте во блендер.Сокот може да остане во фрижидер околу три дена. Пијте го секојдневно. За посладок вкус може да додадете малку мед.