Цвеќиња кои ќе бидат совршена декорација за вашиот дом

Многу луѓе мислат дека одгледувањето цвеќе е лесна работа, но обврските што ги бараат цвеќињата многу брзо ги убедуваат во спротивното. Наводнување, кастрење, пресадување, ѓубрење, сето тоа се работи кои не треба да се занемарат при одгледувањето на растенијата.

Ако ги сакате, но немате време да се грижите за нив, тогаш цвеќињата кои растат во вода се идеалното решение за вас. Тоа се растенија кои можат да се одгледуваат во вода односно бараат нивната земја да е постојано влажна.

Ова се растенијата кои можат да бидат совршена декорација во вашиот дом:

Декоративна коприва

Ова растение е многу лесно за одгледување и треба да му обезбедите само два услови – многу вода и место каде што директно не допираат сончевите зраци. Добро се комбинира со други цвеќиња бидејќи листовите можат да бидат црвени, жолти, зелени, портокалови, розови или шарени.

Бамбус

Бамбусите кои се одгледуваат во куќата одлично ја поднесуваат грејната сезона, а тој што можете да го видите речиси насекаде е среќниот бамбус. Може да се одгледува во вода, а најдобро е да се менува секоја недела и да се прелива со зовриена оладена вода во стаклен сад.

Филодендрон

Филодендрон е едно од растенијата чија грижа е наједноставна. Ако го имате ова растение кое го одгледувате со години, можете да му отсечете дел од врвот и да го ставите во вода и лесно ќе ги испушти своите корени. Така, можете да одгледувате филодендрон во нова саксија, но само во вода.

Собен ползавец

Постојат неколку варијанти на ползавци во затворен простор кои лесно може да се размножуваат и одгледуваат. Тоа е едно од ретките растенија кое нема да угине ако претерате со залевање. Ставете го на светло место за да не се издолжат стеблата и листовите да не станат бледи.