Вести
Шпанија од денеска го третира коронавирусот како грип
Шпанија од денеска ја третира инфекцијата со коронавирус речиси како нормална болест, слична на грип. Оние кои ќе се заразат со коронавирус и ќе развијат само благи симптоми или воопшто немаат симптоми, можат да продолжат да водат нормален живот. Веќе не се задолжителни ниту тестови, ниту домашна изолација.
Досегашните мерки ќе продолжат да важат само за оние кои се изложени на ризик. Меѓу нив се луѓето на возраст над 60 години и оние со имунолошки дефицит, како и бремени жени и здравствени работници.
Тоа значи дека единственото нешто што останува од некогашните рестриктивни мерки против ширењето на коронавирусот во повеќето региони во земјата е задолжителното носење маски на јавни места, како и во автобуси, возови и авиони.
Во Галиција, приложувањето доказ дека некој е вакциниран, тестиран или излечен сè уште важи кога се влегува во болници и домови за стари и изнемоштени лица. Ограничувања има и за бројот на гости на една маса во рестораните. Но, и овие ограничувања треба да бидат укинати на 9 април.
Епидемиолошката ситуација во Шпанија, која беше особено тешко погодена на почетокот на пандемијата, сега е значително ублажена.
Седумдневната инциденца во петокот беше 227 на 100.000 жители, со само 3,6 отсто од сите болнички кревети зафатени од пациенти со Ковид-19. Речиси 85 проценти од популацијата се смета за вакцинирана, а 51 отсто примиле дополнителна доза на вакцина.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ