Во понеделник старт на Летното училиште за деца во Гостивар: Лето без мобилен, со разни активности!

Најавеното Летно училиште за деца во Гостивар официјално ќе почне да функционира од 4 јули (понеделник), најави локалната самоуправа.

Oтворањето е предвидено во спортската сала „Младост“ во 10 часот.

„Летната школа е фантастичен потфат и прва од ваков вид што ќе ги задржи нашите деца ангажирани со различни едукативни активности и во текот на летото, сето тоа во организација на општина Гостивар во соработка со професионални инструктори кои даваат свој придонес на доброволна основа.“, информира преку фејсбук градоначалникот Арбен Таравари.

Како што претходно објавивме Летното училиште е наменето за деца на возраст од 7 до 14 години, кои ќе може да посетуваат курсеви по јазици, уметност, компјутери, музика, спортски активности и сл.