Гостивар
Активности во Гостивар за подобар живот на лицата со посебни потреби
Гостиварската локална самоуправа во соработка со невладиниот сектор идниот период ќе спроведува низа активности за подобрување на условите за живот на лицата со посебни потреби. За проблемите и предизвиците со кои се соочува оваа категорија на граѓани, денес се дискутираше на јавна дебата, организирана од општинскиот Сектор за социјални дејности, а на која учествуваа претставници на граѓански здруженија и на училиштата.
Претходно беше потпишан Меморандум за соработка со Здружението за промоција и развој на инклузивно општество „Инклузивa“ од Куманово.
„Меморандумот го одразува процесот на преземање заеднички активности за унапредување, промовирање и развој на инклузивна заедница, подобар квалитет на живеење и остварување на загарантираните права на децата/лицата со попреченост и нивните семејства во општина Гостивар. Страните ќе се заложат за целосно спроведување на процесите и подобрување на услугите, што генерално ќе придонесе за подобрување на квалитетот на живеење на оваа група граѓани.“, информираше градоначалникот, Арбен Таравари.
Претседателката на здружението, Благица Димитровска истакна дека активностите ќе бидат во насока на создавање на инклузивна општина.
„Меморандумот е основа за заеднички придонес за создавање на инклузивна општина кадешто децата и лицата со попреченост и нивните семејства ќе имаат еднакви услови како и сите граѓани. Планирани се многу активности, работилници преку кои ќе се зацврстуваат вештините на општинските структури и невладините организации за да може да ги остварат загарантираните права со закон за лицата со попречености. Во Гостивар наидовме на отвореност за соработка и се надеваме дека така ќе биде и во иднина и дека тоа ќе се надоградува. За да кажеме дека имаме инклузивна општина, треба граѓаните со попреченост да имаат исти права и услови како и сите други граѓани, почнувајќи од предучилишна возраст, образованието, понатаму вработувањето, социјалните услуги итн.“, изјави Димитровска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар