Амети: Се бориме за повисоки плати и покривање на патните трошоци, просветните работници не се ценети во денешно време

„Платите во просвета се покачија во два наврати, за вкупно 18 %. Со тоа веќе го исполнивме барањето што го имавме со штрајкот кој го организиравме 2022-ра година. Последниот договор (меѓу Влада и Сојуз на синдикати) што беше потпишан, за нас како  СОНК не е прифатлив поради тоа што ние првенствено бараме усогласување на платата со зголемувањето на минималецот, а потоа секако и да се покачи. Ние бараме зголемувањето да биде околу 14 %. По тоа што го слушнав од репрезентативниот синдикат ССМ, тие зголемувања треба да ги бараме преку гранските синдикати. Ние како СОНК, треба да ги бараме преку Министерствата за образование, за труд и социјала и за култура кои ги претставуваме. Веќе се состанавме со министрите за финансии и за образование, за да видиме од септември да имаме нешто повеќе зголемување, од тоа што го имаме до сега. За нас е прифатливо тоа К-15, определено на 30% од просечната плата. Се бориме со колективниот договор да се покријат патните трошоци, барем за оние наставници кои патуваат од една во друга општина. Ние тука ги имаме многу што патуваат од Гостивар во Маврово-Ростуше или од Врапчиште во Гостивар, барем ним да им се покријат трошоците“, изјави Тафа Амети, потпретседател на СОНК на Македонија и претседател на СОНК за регион Гостивар, во емисијата на Gostivarpress.mk „Минути за секого“.

На прашањето дали професијата просветен работник е ценета во денешно време, дали е доволно вреднувана, Амети одговори: „Не се ценети од страна на учениците, ни од родителите, ниту од самото општество. До толку, што денес никој не сака да оди да студира за да биде наставник, професор. Не се пресудни само платите, туку и самото место на учителот, наставникот, професорот во општетсвото. Не си ценет, како што е ценет еден доктор на пример, или инженер кои ги створил самиот наставник. Верувајте не можете да убедите ни еден ученик да оди да студира да биде просветен работник“.

Целата емисија: