Измамник кажал дека е полицаец и наплатил казна за паркирање во Гостивар

СВР Тетово информира дека вчера (31 јули) во 9.30 часот во Полициска станица Гостивар, 68-годишник од гостиварско село пријавил дека бил измамен од едно лице за сума од 1.000 денари.

Според пријавеното, околу 10 часот на улица „Сретко Крстески“ во Гостивар, додека го паркирал неговото патничко возило „сузуки“, му се доближило лицето и му се преставило како полицаец облечен со цивилна облека и му кажал дека бил погрешно паркиран и дека треба да плати казна.

Како што е пријавено, тој му ги дал парите, по што се посомневал дека бил измамен и настанот го пријавил во полиција.