Апсења во Гостивар – кај пет млади пронајдени кокаин и марихуана

Пет млади лица вчеравечер завршиле во Полициската станица во Гостивар, откако полицијата кај нив пронашла марихуана и кокаин.

Околу 22 часот и 45 минути, службеници од Надворешната канцеларија за криминалистички работи Гостивар лишиле од слобода двајца жители на Горна Бањица на возраст од 21 и 18 години како и осумнаесетгодишник од Гостивар, кај кои била пронајдена марихуана.

Во три часот после полноќ, од слобода биле лишени 17 годишен и 25 годишен гостиварец, кај кои бил пронајден кокаин.

Министерството за внатрешни работи соопшти дека по целосно документирање на случаите, ќе бидат поднесени соодветни пријави.

Вчера, исто така бил приведен и гостиварец заради напад на полициски службеник.