Аргентинска навивачка инвазија во Рио де Женеиро

Повеќе од 100.000 аргентински навивачи се очекува да пристигнат во Рио де Женеиро каде утре, в сабота, на „Маракана“ ќе се игра 64. финале во Копа Либертадорес меѓу бразилски Флуминенсе и аргентинска Бока Јуниорс.

И покрај фактот дека навивачите на Бока имаат право на 20.000 влезници, јужноамериканските медиуми јавуваат дека во Бразил ќе допатуваат повеќе од 100.000 симпатизери на аргентинскиот фудбалски гигант, што предизвикува главоболки на локалните власти и полицијата кои стравуваат од навивачки судири и инциденти.

Дополнителен метеж во Рио ќе предизвикаат и концерти на американскиот бенд „Ред Хот Чили Пеперс“, бразилската популарна пејачка Роберта Карлос, како и студентските приемни испити.

Канцеларијата на градоначалникот на Рио де Женеиро изнесе проценка дека овие случувања заклучно со недела ќе привлечат во градот околу 400.000 посетители, од кои некои веќе резервирале 82 отсто од градските хотелски капацитети.

Bad scenes in Rio de Janeiro, Boca Juniors fans were having a fun time with their families at the beach in fre zone and then out of nowhere Fluminense fans ambushed and attacked them.

The Brazilian police are letting Fluminense fans do whatever they want pic.twitter.com/ooJMOn0K9u

— All About Argentina 🛎🇦🇷 (@AlbicelesteTalk) November 2, 2023