ФК Гостивар подобар од шампионот Струга Трим Лум 2-1

Викендов се одигра 12. коло од Првата македонска фудбалска лига, на Градскиот стадион во Гостивар, ФК Гостивар ја пречека екипата на Струга Трим Лум. Гостиварци издвојуваа голема победа совладувајќи го актуелниот шампион со резултат 2-1.

Неочекувано дуелот започна динамично со видлива желба за освојување на трите бода од двете страни, тоа донесе груба игра со многу прекини, но без конкретни шанси за гол, се до 36. минута кога Нигериецот Кехинде од редовите на Гостивар го отвори резултатот за водство на домаќините 1-0. Струга се обиде брзо да возрвати напаѓајќи го противничкиот гол, но шокот за актуелниот шампион стигна во 44. минута кога по еден брз напад од десната страна топката стигна до Турскиот интернационалец Аплер Потук, кој ја „измеша“ одбраната во шеснаестникот и прецизно стрелаше за 2-0. Резултат со кој се замина на полувреме.

Во вториот дел стружани продолжија со исто темпо обидувајќи се да го намалат резултатот, што им успеа преку Компаоре кој погоди за 2-1 во 59. минута, до крајот на натпреварот во кој преовладуваа неколку подолги прекини гостиварци успаа да го одбранат водството запишувајќи ја четвртата победа сезонава.

По 12 одиграни кола ФК Гостивар се наоѓа на 8. позиција.