Бојан Трајковски се врати во репрезентацијата

Бојан Трајковски од денс повторно ќе биде дел од македонската кошаркарска репрезентација пшо неочекуваниот расплет на околностите и заканата за суспензија врз крилниот центар. ЕКИПА дознава дека Трајковски утрово имал средба со претседателот на Македонската кошаркарска федерација Петар Наумоски при што бил постигнат договор тој од вечерва повторно да се врати на тренинзи и да биде на располагање за квалификациите за Европското првенство.

Во текот на денот Трајковски ќе има и средба со селекторот Драган Раца со кого исто така ќе бидат изгладени односите за да потоа тренинзите се одвиваат без никаков проблем. Со ова се става крај на непријатната епизода околу кошаркарот на Куманово кој ги почна подготовките со националниот тим, но потоа не се појави на тренинзите.

Селекторот Драган Раца тогаш изјави дека вратата во репрезентацијата е затворена за Трајковски, но очигледно е дека на 15 дена пред почетокот на евроквалификациите помошра на овој кошаркар ќе биде добредојдена па затоа недоразбирањата се тргаат настрана, а Бојан Трајковски повторно ќе биде дел од македонскиот национален тим.