Гостивар
Бојкот на наставата по турски јазик во гимназијата во Гостивар: „Затворањето на паралелката е дискриминација“
Денес во гимназијата во Гостивар започна бојкот на наставата во паралелките на турски јазик. Како што појаснија професорите, причината е затворањето на една паралелка на турски јазик во прва година. Наместо три, како што било пракса до сега, годинава формирани се 2 паралелки. Со оглед дека се бележи зголемен број на ученици, кратењето на паралелката тие го сметаат како дискриминација.
„Почнуваме бојкот на наставата, а причината е затворањето на едната паралелка на турски јазик. Во училиштето наставата се изведува на три јазици, а почнувајќи од 1956 година непрекинато има настава и на турски јазик. Во учебната 2021/2022 година при упис на ученици во прва година има пораст на бројот на ученици на наставата на турски јазик, а од друга страна се соочуваме со затворање на една паралелка, што е неприфатливо за нас. На албански јазик се пријавиле и примени се 102 ученика во 7 паралелки, на македонски се пријавиле 19, а примени се 16 во две паралелки, додека на турски јазик пријавени се 60, а примени 52 во две паралелки, наместо три како што било во претходите години. Поради тоа одлуката за укинување на третата паралелка на турски наставен јазик, кој постоела 20 години, ја сметаме како класичен пример на етничка дискриминација. Бараме од надлежните институции безусловно враќање на третата паралелка. Да ја исправат неправдата“, рекоа професорите при денешниот бојкот.
Директорот на гимназијата Мирсад Исеини вели дека училиштето не одлучува за бројот на паралелки, туку само доставува барање до Министерството за образование, кое го има последниот збор. Гимназијата барала 3 паралелки на турски јазик, а МОН во конкурсот за упис предвидел 2.
„Има законски процедури. Ние доставивме барање, како и до сега да има 9 паралелки на албански, три на турски и две на македонски јазик. Министерството одобри 7 на албански, и по 2 на турски и македонски јазик. Како училиште не сме надлежни да одредуваме број на паралелки“, рече директорот.
Професорите кои бојкотираат велат дека ќе одат до крај, односно настава нема да има се‘ додека не се отвори трета паралелка во прва година. Известувањето за бојкотот и своето барање ги испратиле до Општината и Министерството за образование.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ