Болницата во Гостивар се поднови со современа машина за анестезија и реанимација

Во општата болница „Д-р Ферид Мурад“ во Гостивар пуштена е во употреба нова современа машина за анестезија. Како што информираат од болничката управа, првата интервенција со апаратот е веќе извршена и била успешна. „Директорот на Клиниката Гетинг Југоисточна Европа, д-р Вукашин Кариклиќ од Белград пред вработените го претстави најновиот модел на машината за анестезија МАКЕ, најсофистициран и најсовремен на сите времиња во однос на анестезија и реанимација. Тимот анестезиолози и медицински сестри, ја извршија првата интервенција кај еден пациент, по што персоналот и пациентот беа многу задоволни од ефикасната услуга, што ја нуди машината“, соопштија од болницата.

Апаратурата со вредност од  57.000 евра  е набавена со пари од буџетот на болницата. Раководителот на одделот за анестезија и реанимација, д-р Садри Зеќири во лично име и во име на целиот тим му се заблагодари на директорот д-р Јакуп Јакупи и раководството на болницата за настојувањата да создадат добри услови за пациентите и вработените.