Во Гостивар пријавен напад и обид за обљуба врз девојка

Дваесет и тригодишен маж вчера (27 ноември) во 22 часот и 25 минути во СВР Тетово пријавил дека претходниот ден околу 1 часот Ј.М. на возраст од 21 година, од гостиварско, физички ја нападнал и се обидел да изврши обљуба врз неговата сестра.

Полицијата соопшти дека се преземаат мерки за целосно расчистување на случајот.

СВР информира и за приведени осуденици. Вчера (27 ноември) околу 19 часот и 10 минути, полициски службеници Полициска станица Гостивар, со судски наредби, ги привеле 38 годишниот М.С. од Симница и 32 годишниот А.Х. од Гостивар, осудени на затворска казна за сторено кривично дело „разбојништво“.

Тие биле спроведени во Казнено-поправната установа „Идризово“ во Скопје за издржување на затворската казна.