Чесен наоѓач предал во полиција паричник полн со пари

Гостивар денес донесува случка – пример за чесност, вредност на која, за жал, се подзаборава во денешно време. Чесен наоѓач пријавил во полиција паричник полн со пари.

На маса во „Мекиците од Стража“ во Гостивар, гости во четвртокот навечер, заборавиле паричник во кој имало 1.200 евра, 5.000 албански лека и две лични карти. Паричникот го пронашле сопствениците на угостителскиот објект и го однеле во Полициската станица во Гостивар, за да се пронајде лицето што го изгубило. Од полицијата потврдија дека пронајдениот паричник е предаден кај нив и работат на пронаоѓање на сопственикот на паричникот. Според документите кои биле внатре, најверојатно станува збор за албански државјанин.