Десет начини на кои родителите ги срамат своите деца

Родителот, по правило, цели да ги усреќува и радува своите деца… Според ова, тој не би сакал да им создава непријатни ситуации или да ги посрамотува пред другите деца и останати. Сепак, децата, особено адолесцентите и тинејџерите често ги обвинуваат своите родители токму за засрамувачко однесување, што може да доведе и до затегнати односи, па дури и до оддалечување.

Затоа понекогаш се говори и за поимот „синдром на срамен родител“ што претежно се однесува на лица над 40 години, кои најчесто се чувствуваат помлади отколку што се, а децата ги доживуваат сосем спротивно. Едно истражување коешто опфатило 2.000 деца на возраст меѓу пет и 20 години и нивните родители нуди увид во првите 10 најсрамни работи што родителот ги прави за детето…

1. Мама / тато танцува! – 42 отсто;
2. Јавно покажување љубов (кон децата, или возрасните меѓу себе) – 41 отсто;
3. Користење на застарен „сленг“ и „обид“ да се изгледа младешки – 38 отсто;
4. Носење облека несоодветна за возраста – 23 отсто;
5. Раскажување непријатни приказни, анегдоти, детски приказни… – 21 отсто;
6. Чистење и раскренување по своите или по други деца – 20 отсто;
7. Приклучување на социјалните мрежи и „специфично“ однесување на нив… – 17 отсто;
8. Општо неразбирање на технологијата – 16 отсто;
9. Почнување разговори за секс – 16 отсто;
10. Претерано пиење алкохол – 15 отсто.